មុខសញ្ញាកាន់ដាវបំរុងធ្វើសកម្មភាពពេលយប់ ដោះស្លាកលេខម៉ូតូលាក់ទុកក្រោមកែប មានបំណងទុច្ចរិតត្រូវនគរបាលបង្ក្រាបបាន ទាំងស្រុង
21-February-2019 | ដោយ ពលមនសិការ
ព្រះសីហនុ៖ លោកវរសេនីយ៍ឯក ភុល ភស្តា អធិការ នគរបាលក្រុងព្រះសីហនុ បានឲ្យដឹងថា៖ នៅវេលាម៉ោងប្រមាណ២១យប់ ថ្ងៃទី២០ ខែកុម្ភៈ ឆ្នាំ២០១៩ កន្លងទៅនេះ សមត្ថកិច្ចនគរបាលក្រុងព្រះសីហនុ បានបង្ក្រាបជនទំនើង៣ នាក់ ដែលមានកាន់ដាវបំរុងធ្វើសកម្មភាពពេលយប់ បានទាំងស្រុង នៅតំបន់ ការដ្ឋានសំណង់ក្រុមហ៊ុនឆាយណាថោន ស្ថិតភូមិ៦ (អូត្រេះចាស់) សង្កាត់លេខ ៤ ក្រុងព្រះសីហនុ។
ជនសង្ស័យទី១-ឈ្មោះអុន ពៅ ភេទប្រុស អាយុ១៦ឆ្នាំ មុខរបរកម្មករ សំណង់នៅអូរត្រេះចាស់ សង្កាត់លេខ៤ ក្រុង ស្រុកកំណើត ភូមិត្រពាំងក្រសាំង ខេត្តកំពង់ធំ, ទី២-ឈ្មោះ សែម ភេទប្រុស អាយុ២១ឆ្នាំ មុខរបរ កម្មករសំណង់ នៅឆ្នេរអូតែលសុខា ស្រុកកំណើត ភូមិមានរិទ្ធ ស្រុកទឹកឈូ ខេត្តកំពត និងទី៣-ឈ្មោះ សុន ណារិទ្ធ ភេទប្រុស អាយុ២១ឆ្នាំ មុខរបរកម្មករសំណង់នៅអូរត្រេះចាស់ ស្រុកកំណើត ភូមិត្រពាំងកុយ ស្រុកទឹកឈូ ខេត្តកំពត។
ក្រោយពេលឆែកឆេរ សមត្ថកិច្ចបានរកឃើញដាវ ចំនួន២ដើម ព្រមទាំងរកឃើញ ស្លាកលេខម៉ូតូ១បន្ទះ លេខកំពត1E-8349 ដែល ជនសង្ស័យទាំងនោះបានដោះលាក់ទុកនៅក្រោមកែបម៉ូតូHonda Dream 2012 ពណ៌ខ្មៅ មានលេខតួND125DC-8692298និងលេខម៉ាស៊ីនND125ME-8692298។
ជនសង្ស័យទាំង៣នាក់ បានសារភាពថា ទើបជក់ថ្នាំញឿនរួចហើយ និង ប្រុងចេញធ្វើសកម្មភាព ប៉ុន្តែត្រូវបានសមត្ថកិច្ចនគរបាលក្រុងព្រះសីហនុ បង្ការទប់ស្កាត់ បង្ក្រាបបាន ទាន់ពេលវេលា ៕
ចំនួនអ្នកទស្សនា
- ថ្ងៃនេះ1971
- ម្សិលមិញ11441
- សប្តាហ៍នេះ31801
- ខែនេះ146951
- ឆ្នាំនេះ146951
- សរុប20589407